![\"\"](\"https://www.aravot.am/2011/aravot_arm/May/26/p20.jpg\")
Թե շախմատի աշխարհի թագի համար հավակնորդների մրցաշարում անակնկալ անհաջողության մատնված գրոսմայստեր Լեւոն Արոնյանն այժմ ինչո՞վ է զբաղվում, ոչինչ հայտնի չէ: Շախմատային թեմաներով գրող լրատվամիջոցներն էլ նրա մասին ոչինչ չեն հաղորդում: Երեկ «Առավոտը» Հայաստանի լավագույն շախմատիստի մասին հետաքրքրվեց միջազգային կարգի մրցավար Աշոտ Վարդապետյանից: «Առանձնապես շատ բան չգիտեմ, – ասաց նա: – Իմ իմանալով՝ Լեւոնը հիմա հանգստանում է: Սակայն եկող ամսվա սկզբներին գալու է Հայաստան եւ մեր տղաների ազգային հավաքականի հետ նախապատրաստվելու է Չինաստանի Նինբո քաղաքում հուլիսի 15-ից 27-ը կայանալիք աշխարհի թիմային առաջնությանը»: