Տարածաշրջանային հետազոտությունների կենտրոնի տնօրեն Ռիչարդ Կիրակոսյանը չի բացառում, որ Լեռնային Ղարաբաղի հակամարտության կարգավորման «հետաքրքիր առանձնահատկությունը» կարող է դառնալ խաղաղարար ուժերի մուտքը մինչ համաձայնագիրը, այլ ոչ հետո: Այդ մասին տեղեկացնում է lragir.am-ը: Այդ սցենարի դեպքում, երբ կա Ադրբեջանի կողմից ռազմական գործողությունների անկանխատեսելի եւ պատահական սկսման հնարավորություն, հնարավոր է, որ խաղաղապահները ներգրավվեն, մինչ կողմերը կստորագրեն խաղաղության համաձայնագիրը, գտնում է քաղաքագետը: Այդ իմաստով, ըստ նրա, միակ ուժը, որ ունակ է արագ արձագանքել նման զարգացմանը, համարվում են ռուսական խաղաղարարները կամ ՀԱՊԿ ուժերը:
