«Ես կարծում եմ, որ Ռուսաստանը փորձելու է ԼՂ խնդրի լուծման գործում ակտիվ դերը պահպանել»,- tert.am-ին ասել է ՀՀՇ վարչության նախագահ Արամ Մանուկյանը՝ մեկնաբանելով ՌԴ արտգործնախարար Սերգեյ Լավրովի այն հայտարարությունը, թե Ռուսաստանի Դաշնության նախագահ Դմիտրի Մեդվեդեւն առաջիկայում որոշում է կայացնելու ղարաբաղյան հակամարտության կարգավորման առնչությամբ հետագա քայլերի վերաբերյալ; Ըստ Մանուկյանի՝ հակամարտության լուծման ակտիվ դերակատարությունը պահպանելու համար Ռուսաստանն այնքան էլ ժամանակ չունի, քանի որ դեկտեմբերին Ռուսաստանում ընտրություններ են կայանալու. «Մեդվեդեւը, կարծում եմ, փորձելու է պահել նախաձեռնությունն ու իրականացնել ԼՂ խնդրի լուծման ծրագիրը»: ՀՀՇ վարչության նախագահն այն կարծիքին է, որ Ռուսաստանը լրացուցիչ ջանքեր է ներդնելու խնդիրն արագ լուծելու կամ գոնե խնդրի լուծումը մոտեցնելու համար:
