Այս տարի Նոյեմբերյանի տարածաշրջանում խաղողի չնչին բերք է լինելու: Ի սկզբանե բերքը խոստումնալից էր, խաղողի այգիները առատ ծաղկել էին: Սակայն հետո խաղողի ողկույզները սկսել են փտել: Տարածաշրջանի խաղողագործներն այդ երեւույթը բացատրում են կիրառված ոչ որակյալ բուժանյութերով, որի հետեւանքով ապագա բերքը ի դերեւ է եղել: Բուժանյութերի վաճառքի շուկայում տիրող անվերահսկելի վիճակը տխուր հետեւանքների է հանգեցնում: Տուժում է գյուղացին, շահում՝ բուժանյութեր ներմուծողը:
