Հունիսի 25-ից Տավուշի մարզի Բագրատաշենի ենթաշրջանում սկսվել է գարու բերքահավաքը: Դեբեդավանի գյուղապետ Վանյա Դամիրչյանի վկայությամբ՝ գյուղի 53 հեկտար գարու արտերից արդեն 51-ը հնձված է, սակայն բերքատվությունը ցածր է՝ հեկտարից 8-16 ցենտներ: Բերքատվության վրա բացասական է ազդել հունիսի 20-ի կարկտահարությունը: Առաջիկա օրերին կսկսվի ցորենի հունձը: Վանյա Դամիրչյանի խոսքերով՝ կարկտահարության հետեւանքով ցածր է լինելու նաեւ ցորենի բերքատվությունը: Սպասվում է, որ արեւածաղկի բերքն ավելի առատ է լինելու:
