Օրերս Թուրքիայի ֆուտբոլի առաջնությունում նոր սկանդալ էր ծնվել՝ կապված այդ երկրի չեմպիոնատում պայմանավորված խաղեր անցկացնելու հետ: Ոստիկանությունը, ըստ արտասահմանյան լրատվամիջոցների, արդեն ձերբակալել է առաջատար ակումբների 30 ղեկավարների եւ ադմինիստրատորների: Տեղի ունեցածի առնչությամբ ՖԻՖԱ-ի նախագահ Զեպ Պլատերը հանդես է եկել հայտարարությամբ՝ հատուկ շեշտելով, որ ֆուտբոլային այդպիսի գործիչների նկատմամբ խստագույն պատժամիջոցներ, ընդհուպ, ցմահ որակզրկում է կիրառվելու: «Մենք արդարադատության գործերին միջամտելու իրավունք չունենք: Բայց եթե պետական մարմիններն ապացուցեն այդպիսի մարդկանց մասնակցությունը խարդախություններին, նրանց ցմահ կորակազրկենք: Այդպիսի մարդիկ երբեք ֆուտբոլ չպետք է վերադառնան: Եվ նշանակություն չունի, խոսքը չինովնիկի՞ մասին է, թե՞ ֆուտբոլիստի», – ասել է ՖԻՖԱ-ի նախագահը:
