Ինչպես Թուրքիայի, այնպես էլ Ադրբեջանի հետ փակ սահմաններ ունեցող Հայաստանն օլիգարխների ճիրաններում է, եւ վերջիններս, օգտագործելով իշխանությունների հետ ունեցած կապերը, վերահսկում են երկրի արտահանումն ու ներմուծումը։ Ըստ «Արմինֆո»-ի, այդ մասին է գրում թուրքական «Ռադիքալ» օրաթերթի մեկնաբան, հայազգի Արամ Էքին Դուրանը, ով վերջերս այցելել էր Հայաստան։ Թուրքահայ հոդվածագրի համոզմամբ, հայ-թուրքական փակ սահմանին առնչվող խնդիրն ուղղակի ջուր է լցնում նեղ շրջանակի անձանց ջրաղացին, ովքեր իշխանությունների հետ ունեցած կապերի շնորհիվ միլիարդավոր դոլարներ են դիզում։ Հոդվածագրի կարծիքով, Թուրքիայից ներմուծումը մոնոպոլացրած շուրջ 40 օլիգարխները նաեւ խոչընդոտում են փոքր եւ միջին բիզնեսի զարգացմանը։
