![\"\"](\"https://www.aravot.am/2011/aravot_arm/July/9/p31.jpg\")
![\"\"](\"https://www.aravot.am/2011/aravot_arm/July/9/p30.jpg\")
Հնարավոր է, որ «Տրանսֆորմերների» մասին պատմող չորրորդ ֆիլմում գլխավոր դերակատար Շայա լա Բեֆին փոխարինի բրիտանացի դերասան Ջեյսոն Ստետհեմը: Ստետհեմի թեկնածությունը լրջորեն քննարկվում է «Paramount» կինոընկերության ղեկավարության կողմից:
Որպես լրացուցիչ առավելություն, կարող են նաեւ ի հայտ գալ Ստետհեմի եւ Ռոզի Հանտինգտոն-Ուայթլիի իսկական ռոմանտիկ հարաբերությունները, որոնք, ըստ ոլորտի որոշ մասնագետների՝ կապահովեն կինոշարի զարգացման համար այդքան անհրաժեշտ գլխավոր կերպարների միջեւ ծավալվող զգացմունքային կրքերի «քիմիան»: Դրանից բացի, նմանատիպ էկրանային համագործակցությունը նոր մարկետինգային հնարավորություններ կընձեռի այս նախագծի առաջխաղացման եւ PR-ի համար:
Թե ինչ է այս ամենի մասին մտածում անձամբ Ջեյսոն Ստետհեմը՝ դեռեւս հայտնի չէ: Mardik.am-ի փոխանցմամբ՝ բնականաբար, չորրորդ ֆիլմի համար դերասանների ընտրության, ինչպես նաեւ, առհասարակ, կինոշարի շարունակությունը նկարահանելու ծրագրերի վերաբերյալ ոչ մի պաշտոնական հաստատում դեռ չի ստացվել:
Հիշեցնենք, որ 2011-ի հունիսի վերջին էկրան բարձրացած «Տրանսֆորմերներ-3. Լուսնի մութ կողմը» ֆիլմը համաշխարհային վարձույթի առաջին իսկ շաբաթվա ընթացքում վաստակել է ավելի քան 400 միլիոն դոլար:
