«Փյունիկը» խոշոր հաշվով պարտություն կրեց
![\"\"](\"https://www.aravot.am/2011/aravot_arm/July/13/p27.jpg\")
Լուսանկարը ԱՎԵՏԻՔ ՀԱՐՈՒԹՅՈՒՆՅԱՆԻ
Երեկ Հայաստանի բազմակի չեմպիոն Երեւանի «Փյունիկը» հերթական հիասթափությունը մատուցեց հայաստանցի ֆուտբոլասերին՝ սեփական հարկի տակ «Չեմպիոնների լիգայի» որակավորման երկրորդ փուլի մեկնարկային խաղում չորս անպատասխան գոլ ընդունելով սեփական դարպասը: Հայաստանը եվրագավաթների մրցաշարերում երրորդ անընդմեջ կորուստը տվեց: Մի կողմից՝ հասկանում ենք, որ մեր ակումբների առաջատար ֆուտբոլիստները տեղափոխվել են ավելի բարձր վարկանիշներով առաջնություններ եւ հզորացնելու են մեր ազգային հավաքականը, մյուս կողմից՝ ակումբային մրցաշարերում կրած խայտառակ պարտությունները թեւաթափ են անում բոլորիս:
Ո՞րն է ճիշտը:
