Ապագայում Ճապոնիան ամբողջովին կհրաժարվի ատոմային էներգիայի օգտագործումից: France Press-ի մատուցմամբ, այդ մասին հայտարարել է Ճապոնիայի վարչապետ Նաոտո Կանը: Նա շեշտել է, որ մոտ ապագայում անհրաժեշտ է մշակել նոր էներգետիկ քաղաքականություն եւ աստիճանաբար նվազեցնել էներգիայի կախվածությունը ԱԷԿ-ներից:
Վարչապետն ընդգծել է, թե այդպիսով պետք է հրաժարվել իշխանությունների կողմից ավելի վաղ ընդունած որոշումից՝ մինչեւ 2030թ. երկրում արտադրվող ատոմային էներգիայի ծավալները ավելացնել՝ հասցնելով 53 տոկոսի:
Այժմ Ճապոնիայում արտադրվող էլեկտրաէներգիայի միայն շուրջ 30 տոկոսն է, որ ապահովում են ԱԷԿ-ները:
