Իսպանիայի Վիլյա-դե-Բենասկ քաղաքում ընթացող շախմատի միջազգային ներկայացուցչական մրցաշարի 7-րդ տուրում միանձնյա առաջատար, շախմատի համաշխարհային օլիմպիադայի հաղթող, հայաստանցի գրոսմայստեր Տիգրան Լ. Պետրոսյանն առաջին կես միավորը կորցրեց: Մինչ այդ բոլոր մրցակիցներին հաղթած Տիգրանը չնայած սեւերով ոչ-ոքի արեց պերուացի գրոսմայստեր Խուլիո Գրանդա Սունիգայի հետ, սակայն պահպանեց միանձնյա առաջատարի դիրքերը: Մեր հանրապետության մյուս երկու ներկայացուցիչներից Կարեն Մովսիսյանը եւ Զավեն Անդրիասյանը 5,5-ական միավորով ընթանում են, համապատասխանաբար, 10-րդ եւ 23-րդ հորիզոնականներում, իսկ ահա Ռուսաստանը ներկայացնող կանանց միջազգային վարպետ Կարինա Համբարձումովան 4,5 միավորով 471 մասնակիցների մեջ 66-րդն է:
