Երեքշաբթի առավոտյան Պեկինում մահապատժի են ենթարկվել Չինաստանի երկու քաղաքների՝ Խանչժոուի եւ Սուցժոուի նախկին քաղաքապետեր Սյույ Մայունուն եւ Ցի Ժենցզեն՝ խոշոր չափերի հասնող կաշառակերության համար: «Ինտերֆաքսի» մատուցմամբ, նախկին քաղաքապետերից մեկը՝ Սյույ Մայունուն, մահվան էր դատապարտվել 2011թ. մայիսի 12-ին: Նախաքննական մարմինը հաստատված էր համարել, որ նա, զբաղեցնելով պետական պաշտոններ, պաշտոնեական դիրքն օգտագործելով ստացել էր 145 մլն յուանի՝ 22,3 մլն դոլարի կաշառք, նաեւ պետական միջոցներից յուրացրել էր 53 մլն յուան՝ 8,15 մլն դոլար:
Ցի Ժենցզեն մահվան էր դատապարտվել 100 մլն յուանի՝ 14,9 մլն դոլար կաշառք ստանալու մեջ: Պաշտոնյան պատասխանատու է եղել քաղաքային շինարարության, տրանսպորտի համար, ղեկավարել էր արագընթաց մայրուղիների շինարարությունն ու քաղաքային շինարարության ներդրումների տնօրենների խորհրդի նախագահն էր եղել:
