![\"\"](\"https://www.aravot.am/2011/aravot_arm/July/26/p15.jpg\")
Ռուսաստանի պաշտպանության նախարար Անատոլի Սերդյուկովը Բաքու կատարած այցի ընթացքում ադրբեջանական զինվորական ղեկավարության հետ կքննարկի Գաբալայի ռադիոլոկացիոն կայանի վարձակալության ժամկետների երկարաձգման հեռանկարները: Այդ մասին հաղորդում է news.am-ը: Ըստ «Ինտերֆաքսի», այցի շրջանակներում Սերդյուկովը կհանդիպի Ադրբեջանի նախագահ Իլհամ Ալիեւի հետ եւ բանակցություններ կվարի ադրբեջանցի գործընկերոջ՝ Սաֆար Աբիեւի հետ:
«Ռազմական գերատեսչությունների ղեկավարները կքննարկեն երկու երկրների զինված ուժերի վիճակն ու զարգացումը, ռազմական եւ ռազմատեխնիկական հետագա համագործակցության, մասնավորապես՝ Գաբալայի ռադիոլոկացիոն կայանի վարձակալության ժամկետների երկարաձգման հարցը»,- հայտնում է «ՌԻԱ Նովոստին»՝ վկայակոչելով ՌԴ պաշտպանության նախարարությանը: Այցը կավարտվի հուլիսի 26-ին:
