ՕԵԿ-ը «Կանանց եւ տղամարդկանց հավասար իրավունքների եւ հնարավորությունների ապահովման պետական երաշխիքների մասին» օրինագծի հեղինակն է, ուստի այսօր «Իրատես դե ֆակտո» ակումբում լրագրողները խմբակցության ղեկավար Հեղինե Բիշարյանին հարցրին, թե ինչպե՞ս է վերաբերվում Սուրեն Խաչատրյանի եւ Սիլվա Համբարձումյանի միջադեպին: Նրա խոսքերով՝ «Կնոջ նկատմամբ էդպիսի վերաբերմունքը ես դատապարտել եմ եւ գտնում եմ, որ չի կարելի կնոջ հետ էդ տոնով խոսել՝ անկախ պաշտոնից ու դիրքից: Նույնիսկ ընտանիքում կինը տղամարդու հետ հավասար հոգս է քաշում, հավասար տանտեր է հանդիսանում, երեխաների մայր է հանդիսանում: Ի վերջո ո՞նց կարելի է լինել քաղաքականության մեջ եւ ընդհանրապես կնոջ հետ էդ տոնով եւ էդ ձեւով խոսել»: Մեր դիտարկմանը, որ տոնի մասին խոսք չի եղել, ծեծ կամ հարվածներ են եղել ՝ տիկին Բիշարյանը պատասխանեց. «Ես այնտեղ չեմ եղել, չեմ կարող ասել, թե ինչ է եղել, ուղղակի կարդացել եմ իմ գործընկերոջ՝ Սամվել Սարգսյանի բացատրությունները եւ հավատում եմ նրան»:
Հռիփսիմե ՋԵԲԵՋՅԱՆ
