Եվրոպայի խորհրդի կայքէջում այսօր հրապարակված հաղորդագրության համաձայն, ԵԽԽՎ նախագահ Մեւլութ Չավուշօղլուն ողջունել է «նոր գաղափարները»՝ հաղթահարելու Մարդու իրավունքների եվրոպական դատարանում հազարավոր գործերի կուտակումները: Հանդես գալով Էդինբուրգում՝ ԵԽԽՎ Մշտական հանձաժողովի առջեւ, նա ասել է, թե ՄԻԵԴ բարեփոխումը, որը Եվրոպայի խորհրդում Մեծ Բրիտանիայի նախագահության գերակայություններից է՝ խիստ կարեւոր է: Նա նաեւ ընդգծել է ազգային մակարդակում Մարդու իրավունքների եվրոպական կոնվենցիայի կիրառման եւ ՄԻԵԴ վճիռների արագ եւ լիարժեք կատարման անհրաժեշտությունը:
