Երեկ Վերահսկիչ պալատի խորհրդի Գեղարքունիքի մարզում անցկացված արտագնա նիստից հետո «ՉԻ»-ն փորձեց ՎՊ նախագահ Իշխան Զաքարյանից տեղեկանալ, թե արդյո՞ք քաղաքական ենթատեքստ չունի այն հանգամանքը, որ տեւական լռությունից հետո Վերահսկիչ պալատը առաջին ստուգումներն իրականացրեց Արարատի մարզում, որտեղ մեծ դերակատարություն ունեն Ազգային ժողովի արդեն նախկին նախագահ Հովիկ Աբրահամյանը եւ ՀՀ նախկին ոստիկանապետ Ալիկ Սարգսյանը:
Պատահականությո՞ւն է արդյոք, որ հաջորդ ստուգումներն իրականցվում են Գեղարքունիքի մարզում, որի մարզպետը «Բարգավաճ Հայաստան» կուսակցության անդամ է:
Ի պատասխան Իշխան Զաքարյանը նշեց.«Այստեղ որեւէ քաղաքական ենթատեքստ լինել չի կարող: Եթե դուք որոշակի բաներ նկատի ունեք, ապա պետք է հիշեցնեմ, որ ծրագիրը հաստատել է Ազգային ժողովը դեռեւս անցյալ տարվա նոյեմբեր ամսին, երբ ավելի շատ հանգիստ իրավիճակ էր: Կառավարությունը ձեւավորված է կոալիցիոն սկզբունքներով, եւ Վերահսկիչ պալատի ծրագիրն էլ հստատել են հենց այդ նույն կոալիցիոն սկզբունքով ձեւավորված կուսակցությունների պատգամավորները: Մենք էլ կենսակոչում ենք այդ ծրագիրը: Եվ կրկնում եմ, քաղաքական ենթատեքստ չի կարող լինել, որովհետեւ բոլորը գիտեն, որ ես չորս տարի շարունակ ասել եմ, որ վայը եկել եւ տարել է Վերահսկիչ պալատին այն պահից սկսած, որ հանկարծ կընկնի այս կամ այն քաղաքական հոսանքի տակ»:
«Չորրորդ ինքնիշխանություն»
