«Ա1+» հեռուստաընկերության դիմումի գործով վարչական վերաքննիչ դատարանի նախագահող դատավոր է նշանակվել Արթուր Առաքելյանը: Այսօր Aravot.am-ի հետ զրույցում այդ մասին տեղեկացրեց «Ա1+»-ի ներկայացուցիչ, փաստաբան Ալեքսանդեր Սահակյանը: Նրա խոսքերով` «Բացի դատավորի անունից` առայժմ մեզ ոչինչ հայտնի չէ»: Մեր հարցին` վերաքննիչ դատարանից ի՞նչ ակնկալիքներ կան` պարոն Սահակյանը պատասխանեց. «Դեռ անգամ վարույթ չի ընդունվել, չեմ կարող ասել, գոնե վարույթ ընդունվեր` ես կասեի մեր ակնկալիքները»:
Հիշեցնենք, որ հեռուստաընկերությունը վերաքննիչ դատարան էր դիմել մոտ 1 ամիս առաջ` բողոքարկելով առաջին ատյանի դատարանի վճիռը, որով մերժվել էր ՀՌԱՀ-ի դեմ ներկայացված հեռուստաընկերության հայցը:
Հռիփսիմե ՋԵԲԵՋՅԱՆ
