Հայաստանի պաշտպանության նախարար Սեյրան Օհանյանն այսօր aravot.am-ի հետ զրույցում ասաց, որ մի քանի օր առաջ խորհրդակցել է իրավապահ մարմինների հետ ու խնդրել, շուտափույթ լուծել բանակում տեղի ունեցող խնդիրներն ու լինել հետեւողական:
Մեր հարցին, թե բացահայտումների համար վերջնաժամկետ տվե՞լ է, նախարարը պատասխանեց. «Ո՞ւմ կարող եմ վերջնաժամկետ տալ, իրավական մարմինների՞ն, որոնք ինձ չեն ենթարկվում, ես պարզապես խորհրդակցել եմ ու խնդրել արագացնել: Ինչ վերաբերում է իմ ենթակա իրավական կառույցներին, վերջնաժամկետ տալը, շատ դժվար է, եթե իմանամ, որ այստեղից սկսում եմ ու վերջացնում այն բնագծով, ինչպես զինվորական կանոնադրությունների մեջ է գրված, վերջնաժամկետ կտամ, բայց այս գործերում պետք է բացահայտումներ լինեն»:
Արփինե ՍԻՄՈՆՅԱՆ
