ՀՀԿ մամուլի քարտուղար, ԱԺ փոխխոսնակ Էդուարդ Շարմազանովն օրերս ասել էր, թե ինքը ՀՀԿ առաջնորդ Սերժ Սարգսյանի Նոր տարին շնորհավորում է կա’մ զանգելով, կամ հյուր գնալով եւ նրան Ամանորի նվեր չի տանում` պատճառաբանելով. «Մենք բոլորս իրար համար նվեր ենք»:
Այսօր Aravot.am-ը ՀԱԿ համակարգող Լեւոն Զուրաբյանին հարցրեց, թե ինքը Լեւոն Տեր-Պետրոսյանի Նոր տարին շնորհավորելիս նվեր տանո՞ւմ է, թե՞ իրենք էլ են իրար համար նվեր: Պարոն Զուրաբյանը երկար մտածելուց հետո պատասխանեց. «Լավ, Շարմազանովին կտանենք նվեր, եթե ինքն էդքան լավ նվեր է»:
Մենք փորձեցինք ճշտել, այնուամենայնիվ, սովորաբար նվեր տանո՞ւմ է ՀԱԿ առաջնորդին. «Դա մասնավոր մարդկային կյանքի էլեմենտներն են, որոնք անպայման չի, որ պիտի դարձնենք հանրային: Թույլ տվեք մեզ, որ գոնե Նոր տարվա օրերին ապրենք մեր մարդկային, ընկերական, հանգիստ կյանքով:Ինչ վերաբերում է շնորհավորելուն` դուք ձեր ընկերներին չե՞ք շնորհավորում»:
Հռիփսիմե ՋԵԲԵՋՅԱՆ
