Մոտ 4 ամիս է «Նաիրիտ» քիմիական գործարանի աշխատակիցներն աշխատավարձ չեն ստանում: Նաիրիտցիների դժգոհություններին ի պատասխան՝ կառավարության պատասխանատուները հորդորում էին սպասել: Այսօր Էներգետիկայի եւ բնական պաշարների նախարար Արմեն Մովսիսյանը նախարարությունում հրավիրած մամուլի ասուլիսի ժամանակ հայտնեց, որ գոնե մեկ ամսվա աշխատավարձերը «Նաիրիտի» աշխատողներն անպայման կստանան:
Ինչ վերաբերում է այս գործարանի հետագա ճակատագրին, ապա նախարարը վստահեցրեց, որ մասնագետների խումբ են հրավիրել, որ «Նաիրիտի» հետագա՝ 20-30 տարիների գործունեության համար ծրագիր մշակեն՝ քիմիական արտադրամասերը ժամանակակից տեխնիկայով աշխատացնելու համար, որպեսզի գործարանի արտադրանքը միջազգային շուկայում լինի մրցունակ:
Լուսինե ԲՈՒԴԱՂՅԱՆ
