Նոյեմբերյանի քաղաքի ծայրամասում, գողտրիկ բլրի վրա գտնվող զբոսայգում հառնում է Հայրենական պատերազմում զոհվածների հուշարձանը: Այն անմխիթար վիճակում է. ջարդված են նստարանների փայտե նստելատեղերը, մանկական ճոճանակները պոկված են, հուշարձանին եւ զոհվածների անուններով սալիկների վրա դեռահասները տարբեր նյութերով գրել կամ փորագրել են իրենց եւ սիրած աղջիկների անունները: Հուշարձանի շրջակայքում կենցաղային աղբի կույտեր են:
Մեր այս մտահոգությունը կիսեցինք Նոյեմբերյանի քաղաքապետ Վանուշ Ամիրաղյանի հետ: Նա հավաստիացրեց, որ ամեն տարի մայիսի 9-ի նախաշեմին իրենք նորոգում են զբոսայգու նստարանների փայտե նստելատեղերը, սակայն անչափահասները ջարդում են դրանք:
ՈՍԿԱՆ ՍԱՐԳՍՅԱՆ
«Առավոտ» օրաթերթ
