«Առավոտի» խնդրանքով մեկնաբանելով այն փաստը, որ Google Earth-ում Բաքվի տարածքում նշվել է. «Ancient Armenian town, Baku in eastern Armenia, all Armenian aboriginal population was…», այսինքն՝ «Հին հայկական քաղաք Բաքու Արեւելյան Հայաստանում, որի հայ բնիկ բնակչությունը…», ինչի կապակցությամբ Day.Az-ն այսօր կոչ է արել իր ընթերցողներին «քաղաքացիական պատասխանատվություն հանդես բերել եւ ծանուցել ծառայության ադմինիստրատորներին Բաքվի տարածքում այս սխալի մասին»՝ տեղեկատվական անվտանգության հարցերով փորձագետ Սամվել Մարտիրոսյանն ասաց. «Քարտեզները վաղուց են հանդիսանում մարտադաշտ: Հիմա էլ ինտերնետի շնորհիվ այստեղ իրենց հետքը կարող են թողնել ոչ միայն ակադեմիկոսները, այլ նաեւ հասարակ սրտացավ քաղաքացիները:
Իսկ տվյալ դեպքը երկու բան է ցույց տալիս:
Ա. Ադրբեջանական մամուլը շաբաթական նվազագույնը 7 անգամ կոչ է անում ադրբեջանցիներին նամակներ գրել աջ ու ձախ:
Բ. Տվյալ դեպքը հայ ընթերցողներին վերջապես պետք է հասկացնի, որ ոչ միայն ադրբեջանական քարոզչամեքենան է աշխատում, այլ հայերն էլ անընդհատ քայքայում են Բաքվի նյարդերը, ինչի հետեւանքով այնտեղ ձեւավորվել է հայկական դավադրության տեսություն»:
Կարդացեք նաև
