ԱԺ ԲՀԿ խմբակցության պատգամավոր Նաիրա Զոհրաբյանը նշեց, թե այս պահին, երբ արդեն լրամշակվել եւ ընդունվել է նոր «Ընտրական օրենսգիրքը», իսկ մայիսյան խորհրդարանական ընտրություններին էլ շատ կարճ ժամանակ է մնացել, որքանով է իրատեսական կրկին փոխել ԸՕ-ն։ Զոհրաբյանը նշեց, որ ԲՀԿ-ում այդ հարցը չի քննարկվել, որովհետեւ ՀՅԴ-ի եւ «Ժառանգության» համատեղ հայտարարությունը եղել է տոնական օրերին։ Հայտնելով իր անձնական կարծիքը, Զոհրաբյանը նշեց, որ իր գնահատմամբ, իրատեսական չէ, որ այս պահին խորհրդարանը կրկին անդրադառնա ԸՕ-ին եւ լինեն փոփոխություններ. «Լինենք իրատես՝ ես չեմ կարծում, որ խորհրդարանը հիմա կգնա այդ քայլին»:
«Ժառանգության» եւ Դաշնակցության համատեղ հայտարարություն-առաջարկը Գալուստ Սահակյանն անվանեց նախընտրական PR. «Ըստ էության նրանք նախընտրակաՆ գործողություններ են անում, այս ամենը նախընտրական PR-ի տարբերակ է»։
Խորհրդարանական մեծամասնության ներկայացուցիչը նաեւ շեշտեց, որ ՀՅԴ-ի ու «Ժառանգության» կատարած առաջարկը հնարավոր չէ նաեւ տեխնիկապես իրականացնել, քանզի ընտրություններին շատ քիչ ժամանակ է մնացել, իսկ Ընտրական օրենսգիրքը ամիսներ առաջ է փոփոխության ենթարկվել։
Անժելա ԽԱՉԱՏՐՅԱՆ
Կարդացեք նաև
«Ժամանակ»
