Քաջարան գյուղի եւ Զանգեզուրի պղնձամոլիբդենային կոմբինատի միջեւ ձգվող անհամաձայնությունը՝ պետության գերակա շահ ճանաչված հողերի կապակցությամբ, դեռ չի ավարտվել: «Առավոտը» բազմիցս ներկայացրել է գյուղացիների տեսակետը, նախորդ շաբաթ ներկայացրեցինք նաեւ կոմբինատի ղեկավարության տեսակետը: Սակայն ավելի լավ պատկերացնելու համար իրավիճակը եւ մեր ընթերցողներին ավելի մանրամասն տեղեկատվություն հաղորդելու նպատակով որոշեցինք անձամբ լինել տեղում՝ չզգուշացնելով կողմերին: Թե ինչ ստացվեց դրանից՝ կներկայացնենք թերթի առաջիկա համարներում եւ «Առավոտի» կայքում: Լուսանկարում կոմբինատի՝ ներկայումս շահագործվող հանքերն են:
Լուսանկարը՝ ԳԱԳԻԿ ՇԱՄՇՅԱՆԻ
«Առավոտ» օրաթերթ
