ՀՅԴ խմբակցության հետ հանդիպման ժամանակ ԵԽԽՎ Հայաստանի հարցով համազեկուցող Ջոն Պրեսկոտը, պատգամավոր Լիլիթ Գալստյանի փոխանցմամբ, խոստովանել էր, որ 100 տոկոսանոց համամասնական ընտրակարգն իր համար էլ ընդունելի չէ, որովհետեւ ժամանակին դա Մեծ Բրիտանիայում էլ է բանավեճերի առիթ դարձել, եւ, օրինակ, իր հարազատ կուսակցությունը՝ Հանրապետականը, խորհրդարանական 100 տոկոս համամասնական ընտրակարգի անցնելուց հետո, ընտրությունների արդյունքում պարտություն է կրել եւ կորցրել է իշխանությունը:
ՀՀԿ պատգամավոր Համլետ Հարությունյանից Aravot.am-ը հետաքրքրվեց՝ ունի՞ այդ մտավախությունը, թե 100 տոկոսանոց համամասնական ընտրակարգին անցնելը հնարավոր է վնասի հանրապետականներին ու ընտրությունների ժամանակ նրանք կորցնեն իշխանությունը, ինչպես Մեծ Բրիտանիայում է եղել. «Ոչ, Հանրապետական կուսակցությունը նման մտավախություն չի կարող ունենալ: Պրեսկոտը ճիշտ է ասում, որ ինքը դեմ է համամասնական ընտրակարգին, բայց մենք արտասահմանցիներին ճիշտ չենք հասկանում: Մարդը գտնում է, որ ընտրական էս սիստեմն է ճիշտ Հայաստանի համար: Մեր մոտ գիտե՞ք ոնց է՝ Էն ինչի հետ ընդդիմությունը համաձայնում է Պրեսկոտի հետ, ասում են լավ մարդ է, հենց էդ խեղճ մարդը մի օբյեկտիվ բան ա ասում, մտածում են՝ Պրեսկոտը մեզ ծախեց»:
Արփինե ՍԻՄՈՆՅԱՆ
Խմբ. Ուշադրություն դարձրեք ՀՀԿ խմբակցության պատգամավորի ձեռքի դաջվածքին, որը երեւում է «Ֆոտոլուր»-ի նկարում:
