Թե մինչև 2008թ. մարտի 1-ը, թե մարտի 1-ից հետո ես պայքարել եմ արդարության համար, իսկ պայքարից շեղվել և այն կիսատ են թողել ու գործարքի են գնացել ոչ թե ես ու իմ այն քաղբանտարկյալ ընկերները, որոնք որոշել են իրենց հայցերը հետ վերցնել Եվրադատարանից, այլ նրանք, ովքեր օգտագործել են քաղբանտարկյալների անունները իշխանությունների հետ գործարքի մեջ մտնելու համար: Այն մարդը, որը հայտարարեց, որ պատրաստ է գործիք լինել հասարակության ձեռքին, հենց ինքը քաղբանտարկյալներին որպես գործիք օգտագործեց իր սեփական ու ներխմբային շահերի համար:
Ես առաջինն եմ, որ հայտարարում է այն մասին, որ որոշել է հետ վերցնել իր հայցադիմումը Եվրադատարանից, քանզի այլևս չեմ ցանկանում, որ իմ անունը գործիք դառնա Հայ ազգային կոնգրեսի և կոնգրեսականների ձեռքին, ովքեր հետապնդում են ոչ թե հասարակության շահը, այլ իրենց ներխմբային շահը:
Սուրեն Սիրունյան
