ԵԽԽՎ-ում Հայաստանի պատվիրակության անդամ Զարուհի Փոստանջյանն այսօր Վեհաժողովում շրջանառության մեջ է դրել գրավոր հռչակագիր Թեղուտի վերաբերյալ, որին միացել են 44 պատվիրակներ՝ Սերբիայից, Ուկրաինայից, Հունգարիայից, Լատվիայից, Մեծ Բրիտանիայից, Գերմանիայից, Ավստրիայից, Չեխիայից, Ֆրանսիացից եւ այլն:
Հռչակագրում խոսվում է բնությանը հասցված վնասի մասին, ու շեշտվում, որ Հայաստանը խախտել է Օրհուսի կոնվենցիան. «Մենք խստորեն դատապարտում ենք Հայաստանի կառավարության կողմից ստանձնած միջազգային պարտավորությունների շարունակական ոտնահարումը եւ պահանջում անվավեր ճանաչել Թեղուտի հանքի շահագործման վերաբերյալ բոլոր որոշումները»:
