ԵԽԽՎ-ում Ադրբեջանի պատվիրակությունն այսօր Վեհաժողովում շրջանառության մեջ է դրել «Խոջալուի կոտորածի 20-ամյակը» անվանումով գրավոր հռչակագիր, որին միացել են ընդամենը 24 պատվիրակներ:
Նրանց գերակշիռ մեծամասնությունը Ադրբեջանի եւ Թուրքիայի պատվիրակներն են: Մեծ Բրիտանիայից Մայք Հենքոքից եւ Վրաստանից Պաատա Դավիթայայից բացի, որոնք միանում են ադրբեջանցիների համանման բոլոր նախաձեռնություններին՝ փաստաթղթի ներքո կան այլ երկրների եւս հինգ պատվիրակների ստորագրություններ:
Գրավոր հռչակագրում մասնավորապես ասված է. «Խոջալուի կոտորածն Ադրբեջանի, ինչպես նաեւ ողջ մարդկության պատմության ամենասարսափելի եւ արյունալի էջերից է: Այս անգութ ու դաժան ցեղասպանությունը մեկն է ամենասարսափելի զանգվածային ահաբեկչական գործողություններից՝ մարդկության պատմության մեջ»:
Փաստաթղթին միացածները դիմում են միջազգային հանրությանը, այդ թվում՝ ԵԽԽՎ-ին «դատապարտել այդ անմարդկային դաժանությունը, ինչպես նաեւ տալ համապատասխան իրավական ու քաղաքական գնահատական հայկական զինված ուժերի կողմից մարդկության դեմ այս հանցագործությանը»:
Կարդացեք նաև
