«ՍԵՆՍԱՑԻՈՆ, բայց ԻՐԱԿԱՆ հայտարարություններ» վերնագրի տակ ooops1-ը գրում է, որ հայտարարություններ պարունակող կայքերից մեկն էր նայում ու դրանցից մի քանիսը ներկայացնում է մեզ. «Փնտրվում է առողջ, բարետես, ապահովված, աշխատող եւ իր աշխատանքը սիրող, աշխատավարձով կիսվող, հաճախ լողացող, սեփական կնոջն անտեսող, սակայն ուրիշ կանանց հետեւից «WOW» ասող, բայց ոչ կնամոլ տղամարղ, որն ամուսնացած է, սակայն ցանկանում է ամուսնալուծվել։ Օօօօօօօ, չկարծեք, թե 59-ամյա տանը մնացածներից եմ, ոօօօօ։ Ընդամենը 58 եմ։ Իսկ ամենաիրականում 30 էլ չկամ ու դեռ մի 5 տարի չեմ լինի»։ Մյուս հայտարարությունում կին են փնտրում. «Հատուկ Ընկերության համար, ցանկալի է հաճելի ներ–արտաքինով, բարեհամբույր, հեզ, միաժամանակ՝ կամակոր ու վայրենի մեկը, որը, սակայն, ինձ հունից չի հանի էնպես, որ իմ ձեռքերով սատկացնեմ, ինչպես պատահեց Անուլիկիս դեպքում։ Տարիքի համար միայն կարող եմ սահմանել՝ հմայքը տարիք չի հարցնում։ Ես 28 եմ, փող չունեմ (նոր տարուն ծախսեցի), ունեմ նպատակներ, պարտքեր, պարտքեր, պարտքեր…»։ Ինչպես նաեւ. «Փնտրում եմ կին, որպեսզի կնոջս դավաճանեմ։ Խնդրում եմ օգնեք»։ Ավելի լուրջ նպատակ էլ կա. «Փնտրում ֊եմ նորմալ աղջիկ Ծաղկաձորում հանգստանալու համար»:
Հովհ. ԻՇԽԱՆՅԱՆ
«Երկիր»
