Մեր դեպրեսիվ և մեծ մասամբ անիմաստ լրահոսի մեջ կա մի լուր, որ մտքիցս այս քանի օր է` դուրս չի գալիս: Սյունիքի մարզպետը որոշել է գիտական թեզ պաշտպանել: Ես շատ երիտասարդներ գիտեմ, որոնք մեր գիտական և բուհական հաստատությունների լճացման, հակագիտական մթնոլորտի և կոռումպացվածության արդյունքում ուղղակի կոտրվում են ու դուրս գալիս գիտությունից:
Այ, մեր Սյունիքի դուխով մարզպետին դժվար թե մեր գիտական բյուրոկրատիան կարողանա կոտրել: Թե ի՞նչ գիտական նոր խոսք է ասելու Լեռնահայաստանի մասին Սյունիքի մարզպետը, ես դժվարանում եմ պատկերացնել, բայց կարևոր է, որ մեր զանազան գիտական խորհուրդները դա շատ հանգիստ կպատկերացնեն, չէ՞ որ ոչ մի գիտական դինոզավր չի ցանկանում Սիլվա Համբարձումյանի օրը ընկնել:
ej էլեկտրոնային ամսագիր
