Chessville Chess News
Այսօր Ջիբրալթարում ավարտվում է շախմատի «Tradewise Gibraltar Chess Festivale» փառատոնի հոբելյանական՝ 10-րդ մրցաշարը, որտեղ ուժեղագույնների 256 (56 գրոսմայստեր) խմբի պայքարի մասնակիցների մեջ են Հայաստանի ազգային հավաքականի անդամներ Սերգեյ Մովսիսյանը, Գաբրիել Սարգսյանը, ինչպես նաեւ ԱՄՆ-ի դրոշի ներքո հանդես եկող Վարուժան Հակոբյանը:
Հայ շախմատիստներից համեմատաբար հաջող է հանդես գալիս Մովսիսյանը, որը նախավերջին տուրից հետո 6,5 միավորով եզրափակում է առաջատարների տասնյակը: Հակոբյանն ու Սարգսյանը վաստակել են 6,0-ական միավոր եւ մրցաշարային աղյուսակում զբաղեցնում են, համապատասխանաբար, 25-րդ եւ 35-րդ հորիզոնականները: Իսկ միանձնյա առաջատարը աշխարհի կանանց չեմպիոնուհի Հոու Յիֆանն է՝ 7,5 միավորով: Հաղթող ճանաչվելու համար չինաստանցուց պահանջվում է այսօր ընդամենը չպարտվել:
Աշոտ ՀԱԿՈԲՅԱՆ
