«Դա նախարարի մի քիչ կիսակատակ հայտարարություններից էր, հաջողված կատակ , ինձ դուր եկավ, ես ծիծաղեցի դրա վրա»,- Aravot.am-ի հետ զրույցում ասաց արդարադատության փոխնախարար Գրիգոր Մուրադյանը՝ անդրադառնալով նախարար Հրայր Թովմասյանի հայտարարությանը, թե հատուկ խրախուսանքներ է պատրաստել նախարարության աշխատակիցների համար, որոնք կխթանեն նաեւ իր 4 չամուսնացած փոխնախարարների ամուսնանալուն:
Պարոն Մուրադյանից հետաքրքրվեցինք, նախարարի ծրագրած այդ քայլերից ինչքանո՞վ են իրենք ոգեւորվել ու արդյոք այդ քայլերը կնպաստե՞ն իրենց ամուսնանալուն: Փոխնախարարը ծիծաղեց ու հավելեց. «Ինքնին որեւէ բան չի կարող դրան խրախուսել կամ չխրախուսել, պարզապես լավ կատակ էր»:
Արփինե ՍԻՄՈՆՅԱՆ
