ՀՀԿ անդամ Մենուա Հարությունյանը Aravot.am-ի հետ զրույցում կարծիք հայտնեց, որ Սերժ Սարգսյանին սատարելու մասին ԵԿՄ հայտարարությունը միության անդամների առիթ չի դառնա պառակտումների: «Ես լսեցի՝ ՀԱԿ-ից բավականին կոշտ գնահատականներ եղան, բայց կարծում եմ, որ Լեւոն Տեր- Պետրոսյանը, որին ես եւս երկրապահ եմ համարում, որովհետեւ նա էլ է պայքարել մեր պետության համար, կկարողանա իր թիմին բացատրել , որ սա քաղաքական հայտարարություն չէր»:
Պարոն Հարությունյանը կարծում է, որ ԵԿՄ նախագահի հայտարարությունն ավելի շատ էմոցիա էր արտահայտում, քան թե քաղաքական դիրքորոշում. «Քաղաքական հայտարարություն էր, բայց ավելի շատ էմոցիա կար, գեներալը նախագահին համարում է իր մարտական ընկերը: Հետեւաբար՝ նրանք ավելի շատ էմոցիոնալ հայտարարություն արեցին, քան քաղաքական: Մենք պետք է կարողանանք վեհ քաղաքական արժեքներ ձեւավորել մեր կյանքում ու դրանք պահել: Երկրապահ կամավորներն այն մարդիկ են, որոնք պայքարել են մեր պետության համար ու իրենց բարձր տառապանքներով հաղթանակ պարգեւել մեզ: Չէի ցանկանա երկրապահի գործունեությունը քաղաքականացնել, մանավանդ որ, այս տարիների ընթացքում հաջողվել է երկրապահին զերծ պահել քաղաքականությունից: Նախագահը այդ համագումարին մասնակցել է հարգանքից ու կարոտից ելնելով, որովհետեւ ինքն էլ է երկրապահ»:
Արփինե ՍԻՄՈՆՅԱՆ
Կարդացեք նաև
