Մինչեւ 2008 թվականի հունվարի մեկը արձանագրված համայնքների հարկային ապառքների հավաքագրմանը կառավարությունն այլեւս չի անդրադառնա: Այսօր այս մասին կառավարության մամուլի սրահում ասաց Տարածքային կառավարման փոխնախարար Վաչե Տերտերյանը: Իսկ ինչ վերաբերում է հաջորդ երեք տարիների ապառքներին, պարոն Տերտերյանն ասաց, որ կառավարությունը այլ մեխանիզմներ է մշակել. «Մենք առաջարկում ենք ապառք ունեցող հարկ վճարողներին վճարել մայր գումարները եւ վճարված մայր գումարներին համամասնորեն, իրենք ազատվում են այդ գումարները չվճարելու համար օրենսդրությամբ հաստատված տույժերից ու տուգանքներից»:
Փոխնախարարի գնահատմամբ, վերջին տարիներին հարկային հավաքագրման իդեալական ցուցանիշ է գրանցվել .«Մոտ 95 տոկոս միջին հարկահավաքության ցուցանիշ»:
Նա ասաց, որ եթե ԱԺ-ն հաստատի գույքահարկի մասին կառավարության առաջարկվող փոփոխությունները, ապա օրենքը գործելու է մինչեւ այս տարեվերջ:
Արփինե ՍԻՄՈՆՅԱՆ
