Լրագրող Ժան Էկյանը Փարիզից մեջբերում է Ֆրանսիայի նախագահ Նիկոլա Սարկոզիի խոսքերը՝ ասված մարտի 7-ին հայ պատվիրակների հետ հանդիպման ժամանակ. «Ֆրանսիան ձեր կողմից է: Մերժումը կարծիք չէ: Սա վիրավորանք է: Վիրավորանք է զոհերի հիշատակին: Սա սպառնալիք է ազգային ամբողջ հանրությանը: Անհանդուրժելի դիմագրավում է երկրի արժեքներին: Չնայած Սահմանադրական խորհրդի որոշմանը՝ ես մտադրությունս չեմ փոխել: Հայ համայնքը, մնացածների պես, իրավունք ունի պաշտպանված լինել օրենքով ժխտման դեպքում: Ուստի ես խնդրել եմ կառավարությանը ներկայացնել նոր տեքստ: Ես կարող եմ հավաստել իմ ցանկությունը հաջողությամբ ավարտելու սա: Ես տալիս եմ այս հանդիսավոր խոստումը՝ ձեր դեմ դիմաց»:
Ժան Էկյանը մեջբերում է Սարկոզիի նաեւ հետեւյալ խոսքերը. «Ով մերժում է Ցեղասպանությունը՝ ջնջում է մի ժողովրդի պատմություն, անտեսում է հանցագործությունն ընդդեմ մարդկության, որն ազդում է ողջ մարդկության վրա»:
