Սկսած հեռուստատեսությամբ ցուցադրվող բժշկական, բարեգործական ակցիաներից մինչեւ ակնոցներ բաժանելը՝ «Ժառանգություն» խմբակցության քարտուղար Լարիսա Ալավերդյանը համարում է ընտրակաշառք: «Ինչքան էլ դա օգուտ է կոնկրետ մարդուն, այնքան վնաս է Հայաստանին՝ որպես իրավական պետություն կայացնելու գործընթացում: Եվ սա ոչ արտասուքի, ոչ էլ ժպիտի տեղ չէ, սա պայքարի վայր է»,- մեզ հետ զրույցում ասաց տիկին Ալավերդյանը:
Նրա խոսքերով, ընտրակաշառքները միշտ էլ անհավասար պայմաններ են առաջացնում կուսակցությունների համար. «Ափսոս, որ մարդիկ, որոնք դա անում են, հետագայում լրիվ հակառակ իմաստով հայտարարությամբ են հանդես գալիս: Սա նման է ու ես համեմատելու եմ այն քվեարկոթյունների հետ, որոնք տեղի են ունեցել Ազգային ժողովում: Այնտեղ պատգամավորները օրինազանցությւոն են գործում, անմիջապես հրաժարվում են, մյուս օրն էլ արդարանում են ու իրենց գովաբանում»:
Արփինե ՍԻՄՈՆՅԱՆ
