«Բարգավաճ Հայաստան» կուսակցությունը առաջիկա խորհրդարանական ընտրություններում Տավուշի մարզի երկու ընտրատարածքներում սեփական թեկնածու չի ունենա: Այդ կուսակցության անդամ մեր աղբյուրն ասաց, որ Տավուշում սեփական թեկնածուով հանդես գալը ֆինանսական միջոցների եւ կազմակերպչական ջանքերի ավելորդ վատնում կլիներ:
Տավուշի մարզի թիվ 40 ընտրատարածքում (որը ներառում է Նոյեմբերյան քաղաքը եւ այդ տարածաշրջանի գյուղերը, Իջեւանի եւ Բերդի տարածաշրջանների որոշ գյուղեր) բարձր են Միքայել Վարդանյանի վերընտրվելու շանսերը:
Թիվ 41 ընտրատարածքում(Իջեւան, Դիլիջան, Բերդ քաղաքներ եւ այդ տարածաշրջանների մնացած գյուղեր) եւս ԲՀԿ-ն չունի հարմար թեկնածու:
Այսինքն`«Բարգավաճ Հայաստանը» չունի պատգամավորի այնպիսի թեկնածու, որ սերված լինի այդ տարածքից, ճանաչված լինի ընտրատարածքն ընգդգրկող տարածաշրջանների բնակչության կողմից եւ, որ թեկնածուն պատրաստ լինի իր ընտրվելու համար ֆինանսական բավարար միջոցներ ծախսել: Մեր աղբյուրի վկայությամբ` ԲՀԿ-ն Տավուշի մարզում ջանքերը կկենտրոնացնի համամասնական ընտրակարգով հնարավորինս շատ ձայներ ստանալու համար:
Կարդացեք նաև
Ոսկան ՍԱՐԳՍՅԱՆ
