«Քաղաքական էլիտան այսօր մեզանում լայն տարածում չունի և չի բացառվում, որ այն այդպես էլ չկայանա»,- այսօր «Դեբատ» ակումբում հայտարարեց ԲՀԿ խմբակցության պատգամավոր Վահե Էնֆիաջյանը: ՀՀԿ անդամ Լեռնիկ Ալեքսանյանը նույն հարցի կապակցությամբ նշեց. «Քաղաքական էլիտան պայմանական հասկացություն է, այն ժամանակավոր բան է, քանի որ չկա կայուն վերնախավ»:
Հայաստանի դեմոկրատական կուսակցության անդամ Արամ Գյուրջյանն էլ նկատեց. «Այստեղ կա վտանգավոր մի տենդենց, երբ էլիտան սկսում է համեմատվել հաջողակության հետ, այնինչ էլիտան նախևառաջ մտավորականությունն է»:
Քաղաքական փորձագետ Վիգեն Խաչատրյանն էլ հավաստիացնում է, որ իրավիճակը չի փոխվի այնքան ժամանակ, քանի դեռ քաղաքական էլիտան կառավարվում է պետական նոմենկլատուրայի կողմից: Այս կապակցությամբ նա հիշատակեց այն երևույթը, երբ մեզանում նախագահական ընտրություններից արդեն երկու տարի առաջ մեկը մյուսին ասում է, թե նախագահական ընտրություններին այս կամ այն մարդուն կպաշտպանես:
Դառնալով հարցին՝ արդյոք քաղաքական մշակո՞ւյթ է այն , որ ՀՀԿ ցուցակում ընդգրկված են այնպիսի անձինք, մասնավորապես մարզպետներ, որոնք կարող են իրենց թույլ տալ ձեռք բարձրացնել կնոջ վրա և այլն, Լ. Ալեքսանյանը պատասխանեց. «ՀՀԿ ցուցակը բավականին ներկայացուցչական է, և քաղաքական էլիտա ձևավորելու խնդիրը միայն ՀՀԿ-ինը չէ»:
Կարդացեք նաև
Տաթև ՀԱՐՈՒԹՅՈՒՆՅԱՆ
