Երեկ մարքսիստ Դավիթ Հակոբյանը հրավիրած ասուլիսում խոսելով, թե որ կուսակցությունը շանս ունի մտնել խորհրդարան, որը` ոչ, նկատեց, որ «սա ՀՅԴ-ի վերջին շանսն է ցույց տալու վերջապես, թե ովքեր են ժողովրդի բարեկամները, ովքեր են թշնամիները: Նրանք պետք է տան գաղափարական ճակատամարտ, ոչ թե շեշտը դնեն կոմպրոմատային մարտավարության վրա»: Այս առնչությամբ, Aravot.am-ի հետ զրույցում, ՀՅԴ պատգամավոր Լիլիթ Գալստյանը նկատեց. «Ես որքան հիշում եմ պարոն Հակոբյանին, ինքը շարունակ վերջին շանսում է, ՀՅԴ-ն միշտ էլ շեշտը գաղափարական մոտեցման վրա է դրել: Իր խորհուրդը, կարծում եմ, մոլորված է եւ տեղին չէ: Այսօր եթե քաղաքական դաշտում կա մի ուժ, որն իսկապես ունի գաղափարախոսություն եւ գաղափարական մարտահրավեր է նետում հասարակությանը` դա դաշնակցությունն է»:
Հռիփսիմե ՋԵԲԵՋՅԱՆ
