Իսրայելի իշխանությունները որոշում են կայացրել գովազդային հոլովակներում եւ հագուստի ցուցադրությունների ժամանակ արգելել այն մոդելների մասնակցությունը, որոնց մարմնի կշիռը իրենց հասակի ու տարիքի համեմատ նորմայից պակաս է: Նշվում է, որ Իսպանիայում, Իտալիայում եւ Բրազիլիայում վաղուց է գործում այս օրենքը, ըստ որի՝ նկարահանման կամ միջոցառումներին մասնակցելուց առաջ յուրաքանչյուր մոդել պարտավոր է ներկայացնել բժշկի կողմից տրված փաստաթուղթ: Մոդելների անկետաներում պետք է գրված լինի, որ մարմնի կշռի հետ կապված խնդիրներ չունեն: Ընդ որում՝ 175 սմ հասակ ունեցող մոդելների քաշը չպետք է պակաս լինի 57 կգ-ից: Եթե մոդելները չեն համապատասխանում նշված չափանիշներին, ապա վերջինների հետ ոչ մի կազմակերպություն աշխատանքային պայմանագիր չի կնքում: Իսկ եթե կնքվեն գաղտնի պայմանագրեր, քրեորեն կպատժվեն տվյալ կազմակերպությունների ղեկավարները:
«Առավոտ» օրաթերթ
