Բանակում խաղաղ պայմաններում զոհված զինծառայող Վալերի Մուրադյանի մորը` Նանա Մուրադյանին հրելու ու որդու նկարը ճմռթելու համար ոստիկանն անգամ նկատողություն չի ստացել: Այս մասին Aravot.am- ին ասաց Նանա Մուրադյանը: Նրա խոսքերով, իրեն շաբաթներով Արմավիրից տարան, բերեցին. «Ծառայողական քննություն էին անցկացնում, վերջում էլ ասացին, որ նկարում, տիկին ջան, ձեզ խփելու ու նկարը ճմռթելու պահը չի երեւում»:
Ն. Մուրադյանի խոսքերով, եթե ինքը կամ մահացած զինծառայողներից որեւէ մեկի ծնողը ապտակեր կամ թքեր ոստիկանի երեսին՝ 80.000 դրամով կտուգանեին. «Կարեւորը իրենց գրպանները լցնեն: Ոստիկանը կարող է ծնողին բան ասել, քիչ են դաղել, մի հատ էլ նկարը քաշեն ձեռքներիցս: Ինձ հետաքրքիր է` ում հրամանն էր կատարում այդ ոստիկանը, որը քաշեց՝ երեխուս նկարը ճմռթեց»:
Արփինե ՍԻՄՈՆՅԱՆ
