«Հայելի» ակումբի ղեկավար Անժելա Թովմասյանը «Առավոտին» հայտնեց, որ այսօր առավոտյան կոտրել են hayeli.am կայքը: Ըստ նրա՝ առայժմ հնարավոր չէ պարզել, թե արդյոք հաքերային հարձակումը կատարվել է արտերկրի՞ց, թե՞ Հայաստանից: Համենայնդեպս՝ կայքի հասցեն մուտքագրելիս այժմ հայտնվում է Cyber Army գրությունը:
Անժելա Թովմասյանը նաեւ հայտնեց, որ ըստ ամենայնի՝ կայքը վերականգնելու համար կպահանջվի շուրջ մեկ շաբաթ:
