Հինգշաբթի օրը մեկնարկած Հոկեյի ազգային լիգայի (NHL) փլեյ-օֆֆի հանդիպումներն անտարբեր չեն թողել նաեւ ԱՄՆ-ի ու Կանադայի դիվանագիտական գերատեսչությունների ղեկավարներ Հիլարի Քլինթոնին եւ Ջոն Բերդին:
Վաշինգտոնում կայացած երկկողմ հանդիպման ժամանակ նրանք գրազ են եկել, թե ո՞վ կհաղթի` «Նյու Յորք Ռեյնջերսը», թե՞ «Օտտավա Սենատորսը»: Գրազի պայմանը հետեւյալն է. պարտվողը պետք է հասարակության առջեւ դուրս գա մրցակից թիմի մարզաշապիկով:
«Վստահ եմ, որ կապույտ գույնը ձեզ կսազի», – կատակել է Քլինթոնը` նկատի ունենալով, որ հաջողությունը նյույորքցիների կողմն է լինելու: Հասկանալի է, Բերդը պարտքի տակ չի մնացել` խոստանալով, որ տիկին Հիլարիին նվիրելու է «Սենատորս»-ի իր սիրելի հոկեյիստ Ջեյսոն Սպեցցի նկարով մարզաշապիկը:
Առաջին հանդիպումն ավարտվել է ամերիկացիների հաղթանակով` 4:2:
Կարդացեք նաև
Աշոտ ՀԱԿՈԲՅԱՆ
