«Ժառանգության» դեմ սեւ PR-ը, որ իրականացնում են ինչպես ընդդիմադիր, այնպես էլ իշխանական ուժերը, ըստ «Ժառանգության» ներկայացուցիչ Արմեն Մարտիրոսյանի, պայմանավորված է նրանով, որ այս կուսակցությունն արդեն իսկ հայտարարել է, որ առաջիկա նախագահական ընտրություններում ունի իր թեկնածուն, եւ այդ թեկնածուն երեք նախագահների բերմուդյան եռանկյունուց դուրս է:
«Ժառանգության» դեմ սեւ PR-ը հիմնականում արտահայտվում է «Ժառանգությունը» ծախված է, կամ «պատվեր է կատարում» արտահայտություններով, որոնք շրջանառվում են մյուս քաղաքական ուժերի քարոզչության կողմից: Ըստ Արմեն Մարտիրոսյանի` «Այս տարիների ընթացքում բազմաթիվ կողմերից բազմաթիվ անգամներ մեղադրել են մեզ` պատվեր կատարելու մեջ, բայց ամեն անգամ ապացուցվել է, որ հերթական սուտն է եղել: Ասեմ, որ «Ժառանգությունն» արդարանալու բան չունի, քանի որ ժամանակը միշտ ապացուցել է, թե ով որ դաշտում է գործում: Նման մեղադրանքները կարճ կյանք ունեն, այնպես որ առանձնապես չենք անհանգստանում»:
Մելանյա ԲԱՐՍԵՂՅԱՆ
Կարդացեք նաև
