Նախընտրական շրջանում առաջադրված թեկնածուների նկատմամբ բռնությունները «Միավորված հայեր» կուսակցության քաղխորհրդի նախագահ Ռուբեն Ավագյանը բացատրում է աթոռակռվով. «Մեծամասնական թեկնածուների հետ են բռնությունները լինում: Ովքե՞ր են մեծամասնականով առաջադրված հիմնական թեկնածուները՝ օլիգարխները, ինչո՞ւ են բռնանում, որովհետեւ պաշտոնի կռիվ է: Մենք դա գիտակցում էինք, դրա համար էլ մեծամասնական ընտրակարգով թեկնածուներ չառաջադրեցինք»:
Պարոն Ավագյանը, վերլուծելով կուսակցությունների կարգախոսները, հանգել է այն եզրակացության, որ դրանք մեկ իմաստ ունեն՝ խաբիր ժողովրդին, եթե կարող ես. «Առաջարկում են տարեկան առնվազն 100.000 աշխատատեղեր, 5 միլիոնանոց Հայաստան, 200.000 դրամ աշխատավարձ, մենք առաջարկում ենք Ազգային ժողովում վերանայել օրենքները եւ դրանք ծառայեցնել ժողովրդի շահերին, ոչ թե՝ օլիգարխների: Միջազգային տվյալներով՝ գտնվում ենք կոռումպացված երկրների 127-րդ տեղում, այսինքն՝ մարդակերների շարքում ենք գտնվում»:
Պարոն Ավագյանը քաղաքական դաշտում չի տեսնում պետականամետ ուժ. «Հավատանք, որ փոխենք, փոխվենք ի՞նչ դառնանք , փոխվենք, ծառայենք ազգի շահերին, դառնանք պետականամետ: Այսօր խոստումներ են տալիս, բայց ամեն ինչ կերեւա Ազգային ժողովում»:
Արփինե ՍԻՄՈՆՅԱՆ
Կարդացեք նաև
