Պրոֆեսիոնալ ֆուտբոլիստների միջազգային ֆեդերացիան (FIPFro) հանդես է եկել Չեմպիոնների լիգայի կիսաեզրափակիչներում դեղին քարտերի պատճառով «Բավարիայի» եւ «Չլսիի» որակազրկված վեց ֆուտբոլիստներին մայիսի 19-ին Մյունխենում կայանալիք եզրափակիչ հանդիպմանը մասնակցելու թույլտվության առաջարկի օգտին:
Հիշեցնենք, որ գերմանացիների թիմից որակազրկվել են Դավիդ Ալաբան, Հոլգեր Բադշտուբերը եւ Լուի Գուստավոն, իսկ անգլիական ակումբից՝ Բրանիսլավ Իվանովիչը, Ռաուլ Մեյրելեշը եւ Ռամիրեսը:
Սակայն ՈՒԵՖԱ-ն որոշել է ֆուտբոլիստների որակազրկումը թողնել ուժի մեջ: Այս առիթով տարածված հայտարարությունում ասվում է, որ ՉԼ կանոնները սահմանվում են միայն մինչեւ յուրաքանչյուր մրցաշարի մեկնարկը եւ դրանք եզրափակիչ հանդիպումից առաջ խախտելու պատճառ չկա:
Աշոտ ՀԱԿՈԲՅԱՆ
