Մեդիամաքս: Այսօր Հայաստանի ֆուտբոլի ֆեդերացիայում տեղի է ունեցել ֆուտբոլի ազգային հավաքականի նոր` Adidas ընկերության մարզահագուստի շնորհանդեսը:
Ներկայացնելով լրագրողներին հավաքականի նոր` կարմիր եւ սպիտակ գույնի մարզահագուստը՝ ՀՖՖ առաջին փոխնախագահ Արմեն Մինասյանն ասել է, որ այն ընտրելիս հաշվի են առնվել ՀՀ ազգային դրոշի գույները:
«Տանը խաղալիս մեր ֆուտբոլիստները հանդես կգան կարմիր, իսկ դրսում՝ սպիտակ գույնի մարզահագուստով»,- հայտնել է Արմեն Մինասյանը:
Բացի մարզաշապիկներից, ազգային հավաքականի ֆուտբոլիստները հանդես կգան նաեւ Adidas մարզակոշիկներով, գնդակներով եւ այլ սպորտային պարագաներով:
Կարդացեք նաև
Ազգային հավաքականի գլխավոր մարզիչ Վարդան Մինասյանի կարծիքով, նոր մարզահագուստը շատ գեղեցիկ է: «Հուսով եմ, որ այն հաջողություն կբերի մեր հավաքականին»,- ասել է նա: Հավաքականի ավագ Սարգիս Հովսեփյանը եւս գոհ էր նոր մարզահագուստից: