Մարտի 1-ի քրգործով ամենամսյա հանդիպումները լրագրողների հետ այլեւս տեղի չեն ունենում, քանի որ չկա հասարակական պահանջ: Այս մասին երեկ մեր թղթակցին ասել է Մարտի 1-ի գործը քննող քննչական խմբի ղեկավար Վաղինակ Ջանազյանը։
Դեռեւս անցած շաբաթ գրավոր հարցմամբ դիմել էինք ՀՔԾ, խնդրելով հայտնել քրգործի նախաքննության նոր մանրամասները: Ջանազյանը երեկ մեզ հայտնեց, որ հանրային վերջին զեկույցից մինչ այժմ հրապարակման ենթակա նորություն չկա։ «Հենց որ նոր բան պարզվի, մենք մեր նախաձեռնությամբ կհանդիպենք լրատվամիջոցների հետ եւ կհայտնենք ամեն ինչ»,- ասել է նա՝ նշելով, որ ամենամսյա հանդիպումները կվերականգնվեն, եթե հասարակական պահանջ առաջանա։
«Հայկական ժամանակ»
