ՀՀ Սահմանադրական դատարանի նախագահ Գագիկ Հարությունյանը ժ.13.30-ին հրապարակեց «Հայ Ազգային Կոնգրես» կուսակցությունների դաշինքի դիմումի հետ կապված որոշումը: Ուղիղ մեկ ժամ տեւեց որոշման 14 կետից բաղկացած մեկնաբանությունների հրապարակումը:
Սահմանադրական դատարանը անփոփոխ թողեց ԿԸՀ մայիսի 13-ի վիճարկվող որոշումը:
Հիշեցնենք, որ Դաշինքը վիճարկում էր մայիսի 6-ի ԱԺ համամասնական ընտրակարգով Կենտրոնական ընտրական հանձնաժողովի մայիսի 13-ի թիվ 265-Ա որոշումը, եւ պահանջում էր, որպեսզի անվավեր ճանաչվեն ընտրությունների արդյունքները:
