Թենիսի Ֆրանսիայի բաց առաջնության՝ «Ռոլան Գարոսի», տղամարդկանց մենախաղերի եզրափակիչ հանդիպումը անձրեւի պատճառով չի ավարտվել:
Գլխավոր մրցանակը վիճարկում են սերբ Նովակ Ջոկովիչը եւ իսպանացի Ռաֆայել Նադալը: Առաջին երկու սեթերը Նադալի օգտին են ավարտվել՝ 6:4, 6:3: Երրորդից սկսած՝ աշխարհի թիվ 1 ռակետն սկսել է զգալ խաղը եւ վստահ հաղթել է 6:2 հաշվով: Սակայն չորրորդ սեթում, երբ հաշիվը կրկին նրա օգտին էր՝ 2:1, հորդ անձրեւ է սկսվել, ինչի պատճառով կազմակերպիչները հարկադրված հանդիպումը դադարեցրել են: Այն շարունակվելու է առաջին իսկ հնարավորության դեպքում:
Աշոտ ՀԱԿՈԲՅԱՆ
